miniddy4的部落格

話咁快又到八月天，文件倉要抓住夏天尾巴，當然要去戶外玩，出番一身汗。不過香港人多車多大廈多，連沙頭角都人頭湧湧。今趟來到西貢大後方橋咀島，享受四面環海之境，齊齊閉著眼聽一聽海風，落水玩完再行山，水陸兩路一次過玩先夠盡興！老島橋咀 鹹魚翻生有一億四千萬年歷史的橋咀島位於西貢東面，是香港面積最小的郊野公園。橋咀島曾發展成私人經營的大型BBQ場，人流極旺， 非常風光。惜1989年結業之後變得荒蕪，島上只剩幾戶民居， 不過自被劃入地質公園之後又再次備受熱捧，成為旅遊熱點。垃圾堆睇珊瑚？最近有報道指地質公園垃圾泛濫，橋咀島珊瑚受到污染。 採訪當日到現場，肉眼睇珊瑚群落數量依然多，而且島邊不准大型船隻靠岸， 以免珊瑚因下錨而受損，水質亦清徹。但潮退時岸邊確有垃圾堆積，希望政府會加緊清理。欣賞珊瑚時僅記眼看手勿動，亦唔可以離開獨木舟行入保育區，以免踩傷珊瑚。Arthur生態導賞員下海 獨木舟遊 隔玻璃觀珊瑚一向搞開體驗式生態導賞團的西貢地質文化資訊中心，今個暑假推出橋咀遊路線，更難得有玻璃獨木舟團， 可以落水玩，唔駛齋行得個曬字。玻璃獨木舟在日本北海道十分流行，引入香港以後， 在西貢鹽田梓和橋咀島都有得玩。而橋咀島屬珊瑚保護區，大海之下仍有無數天然靚珊瑚。一輪熱身後再聽教練講解，學習簡單划槳技巧就可以登上玻璃獨木舟。初學者可以在淺水海邊游走，see through玻璃船底睇珊瑚， 上手以後跟住教練指示划出外海， 又可以欣賞到橋咀島邊的海蝕岩洞。 而且橋咀島風浪不算大， 獨木舟船身夠定，小朋友都撐得郁！玻璃舟易上手玻璃獨木舟比普通獨木舟闊身， 唔易反艇，船身其實是類似防彈玻璃的透明物料，並非真玻璃， 唔怕中途爆艇。小朋友或者初學者都容易上手。Bryan獨木舟教練常見珊瑚 初接觸橋咀珊瑚保育區內可以見到香港常見珊瑚品種，雖然隔住玻璃船不及浮潛近距離，但水夠清，依然睇到大堆珊瑚群，好彩的話仲會見到珊瑚魚！model玩後感第一次玩雙人獨木舟，好彩我�兩個女仔夠合拍，不用太花力氣就可以前進，透明船底感覺到海洋好近！SophiaCarol浮潛睇珊瑚又得，撐住獨木舟睇又得，踢住水睇靚女都得！潛水男上山 橋咀橋頭 賞花賞石玩完水再上存倉，眼望島仔細細，平平無奇，其實小島之上除了多種沙灘植物，仲火成岩處處！事關橋咀島地理獨特，位處火山口邊緣，所以島上大部分岩石都是N年前火山爆發時，所流出的熔岩冷卻而形成。邊行邊賞岩，腳下踩住的分分鐘是「千年老岩」！去橋咀島玩，仲要識得揀�潮汐漲退時間。潮漲時橋咀島和橋頭是兩個獨立的小島，潮退時中間會露出一條石堤，即是連島沙洲，自動連線，接駁兩邊。最佳行走時段為海水微漲時，淺水略淹沙礫路，遠望似在海中心步行，可以表演錯視版輕功水上飄！爆趣千年奇石「菠蘿包」的真身是石英二長岩，因石上的礦物質分布不平均，經過長時間風化和侵蝕之後，表面出現裂紋。菠蘿包石條紋班什岩火山角礫岩天文台網站 check水位去香港天文台網站的潮汐預報表，選擇最近橋咀島的地點高流灣，再選日期，就可以搵到當日潮汐漲退的資料，方便安排活動行程。網址：.hko.gov.hk/tide/ctide_main.htm木麻黃木麻黃外形似松樹，常見於海灘， 生長迅速，最高可達20米。木麻黃每年7至10月結果， 果實呈球狀， 十分堅硬，小心中頭獎。白色果實可以食落肚，但味道略苦唔多好食。草海桐岩岸邊最常見的植物之一，樹葉可以用於外敷，舒緩風濕關節痛。馬櫻丹極其粗生，生長得快而且有侵略性，時時擴充地盤，有時仲會趕絕原生草木。獨木舟 地質珊瑚導賞遊info跟團去橋咀島珊瑚保護區自助體驗遊行程： 於西貢地質文化資訊中心集合，乘船去橋咀進行地質導賞，再划獨木舟觀珊瑚。日期：25/8時間：2-5pm、3-6pm 費用：每位$360（成人及小童同價）報名電話：8200 0248（西貢地質文化資訊中心）網址：.livenature.com.hk自己去交通： 西貢市中心有街渡來往橋咀島， 船程約15分鐘。費用：$20查詢：2791 0946 備註： 假日班次較頻密，約半小時一班。閒日需包船。text : ecyw　photo : Hai、Joe Mok、旅行家、互聯網　model : Carol To @ Puremodels、Sophia Siu　special thanks : Arthur Tsang、kitkat_lingling　design : kawa自存倉